شكون جابها الثورة؟؟ جابوها ولاد الحفيانة و ركبو عليها ولاد لي صرتها عريانة

‎.شكون جابها الثورة؟؟ جابوها ولاد الحفيانة و ركبو عليها ولاد لي صرتها عريانة

جابوها الحمّاله والشيّاطة وخدّامة الشانطي..جابوها البطّاله والزوفريّه والهشكل والشلبّه..جابوها اولاد الحفيانه واولاد لمشلّطه..جابوهاالنّصّابه..جابو​ ها اولاد تاله والقصرين والرڨاب وبوزيّان وجلمه والمكناسي وبوزيد ولاد تونس الكل...جابوها لمرمّاجيّه والشوافّريّه..جابوها المقهورين والمحقورين والمظلومين..جابوها لفصايل وڨدعان لقها...وي جابوها اولاد الشكبّه والرّامي والكريستال بالكريدي...جابوها سخايط الكنتره والحرقه..جابوها اللي ما يحفظوش النشيد الوطني..جابوها اللي هنتلهم العطار وسحّتهم الجزّار بكرني عمناول...جابوها اللي ما يحسبوهاش وما يفهمولهاش..جابوها اللي مليونهم كي الدّينار ودينارهم كى المليون...جابوها اللي اذا ماربحوش ما يخسروش..جابوها اللي شبعو من غبرة الرخام ووللاّت قلوبهم رخام..جابوها اللي واجهو الرّصاص بقشّابية منقوبه...جابوهااللي نحشمو منهم قدّام التوريست..جابوها اللي نهبّطو فيهم ماللّواجات..جابوها اللي نفركسو فيهم فيهم قدّام لعباد...جابوها السّبتي ولخضر ومحرزيّه والطّاوس ومنّوبيّه..جابوها اللي فطورهم بسيسه وعشاهم خبز وهريسه...جابوها الحرّية..جابوها فى طبق ذهب وحطّوها قدّامنا ومشاو..طيّشوهالنا وتعدّاو..وجات لحباب من كل ڨبيله..وجات جماعة فهمتللاّ وبحيث انّ وانّ حيث ونظرا لأنّ وربّما...وجات المعارضه والموالاة والوزره والحقوقيين والمنظّرين والاقتصاديين والاجتماعيين والسفراء والقناصل والفنّانين والشعراء وتدارك نسبة العجز الحاصل وفائض الدخل الخام من هامش تنمية المناطق وصيرورة الثورة عند ماركس والامام الخمينى واسباب التحولات العميقة فى المشهد السياسي فى المغرب العربي..والللي تنبّاو منذ عامين واللي تنبّاو منذ عشرين عام...وكل واحد بمغرفه ويكرّع من شقالة الحرّيّة اللي جاتو لفرشو..سحقا لكل من يريد ان يلتف على ثورة الأحرار و الفاهم يفهم
شكون جابها الثورة ؟ جابوها ولاد الحفيانة و ركبو عليها ولاد الي صرتها عريانة

 فتح مناظرات انتداب : ملازمين للديوانة ، وكلاء أعلى للديوانة ، عرفاء للديوانة ورقباء مساعدين للديوانة

تنظم الإدارة العامة للديوانة مناظرات خارجية بالإختبار لانتداب ملازمين، وكلاء أعلى، عرفاء ورقباء مساعدين للديوانة.

وقد حددت آجال قبول الترشحات كالتالي :

• من 24 أكتوبر 2011 إلى 05 نوفمبر 2011 بالنسبة لمناظرة انتداب ملازمين للديوانة

• من 12 سبتمبر 2011 إلى 24 سبتمبر 2011 بالنسبة لمناظرة انتداب وكلاء أعلى للديوانة

• من 10 أكتوبر 2011 إلى 22 أكتوبر 2011 بالنسبة لمناظرة انتداب عرفاء للديوانة

• من 26 سبتمبر 2011 إلى 08 أكتوبر 2011 بالنسبة لمناظرة انتداب رقباء مساعدين للديوانة

ملاحظة: في صورة عدم القبول، لا ترجع ملفات الترشح